మా పిల్లి తప్పిపోయింది... ఎక్కడైనా కనిపించిందా?... మంచిర్యాలలో పోస్టర్లు

తెలంగాణలోని మంచిర్యాల పట్టణంలో ఇప్పుడో పిల్లికి సంబంధించిన పోస్టర్లు అందరి దృష్టిని ఆకర్షిస్తున్నాయి. తమ పెంపుడు పిల్లి తప్పిపోయిందంటూ ఓ కుటుంబం ఆ పోస్టర్లు వేసింది. మంచిర్యాల పట్టణానికి చెందిన పర్వేజ్ కుటుంబం ఓ పిల్లిని పెంచుకుంటోంది. గత నాలుగేళ్లుగా ఆ పిల్లి పర్వేజ్ కుటుంబంలో భాగమైపోయింది. ఆ పిల్లి పేరు ఫ్లుష్పీ. ఉన్నట్టుండి ఆ పిల్లి మాయమైంది. గత 4 నెలలుగా ఆ పిల్లి కోసం పర్వేజ్ కుటుంబం వెతకని చోటంటూ లేదు. దాంతో, తమ పిల్లిని వెతికి తెచ్చిన వారికి రూ.10 వేలు ఇస్తామంటూ వారు పోస్టర్లు కూడా ముద్రించి, పట్టణంలోని పలు ప్రాంతాల్లో అతికించారు.