reptiles: వందలాది మొసళ్ల మధ్య బోటు ప్రయాణం.. వీడియో

అదొక పెద్ద చెరువు. అందులో వందలాది మొసళ్లు. వాటి మధ్య ఓ బోటు వేగంగా ప్రయాణిస్తోంది. మొసళ్లను తొక్కుకుంటూ, తోసుకుంటూ ఆ బోటు ముందుకు సాగిపోతున్న వీడియో ఒకటి ఆన్ లైన్ లో వైరల్ అవుతోంది. ఊడ్లి టెరిఫైయింగ్ పేరుతో ఉన్న ట్విట్టర్ యూజర్ ఇందుకు సంబంధించి వీడియోని షేర్ చేశారు. 

ఓ వ్యక్తి బోటుతో చెరువులోకి రాగా, అక్కడ భారీ సంఖ్యలో మొసళ్లు కనిపిస్తున్నాయి. వాటిని చూసి బోట్ లోని వ్యక్తి ఏ మాత్రం భయపడిపోకుండా ముందుకే నడిపించాడు. ఆ బోటు రావడాన్ని చూసి మొసళ్లు దాడి చేయలేదు. బదులుగా అవి భయంతో అటూ, ఇటూ పరుగులు తీశాయి. రెండు రోజుల్లోనే ఈ వీడియోని 26 లక్షల మంది చూసేశారు. ఎంతో మంది లైక్ చేస్తూ, కామెంట్లు కూడా పోస్ట్ చేస్తున్నారు. ఓ యూజర్ తనకు మిలియన్ డాలర్లు ఇచ్చి వీటి మధ్య రైడ్ చేయాలని కోరినా చేయనని తేల్చి చెప్పాడు. ఇలా చాలా మంది నో అనే చెప్పడం గమనార్హం.