ప్రీ వెడ్డింగ్ షూట్ పిచ్చి ముదిరిందనడానికి నిదర్శనం ఇదీ..!

పెళ్లికి ముందు ఫొటో షూట్ నిర్వహించుకునే సంస్కృతి క్రమంగా విస్తరిస్తోంది. జీవితాంతం ప్రత్యేక జ్ఞాపకాలుగా ఉండిపోయేందుకు ఈ ఫొటో షూట్ ను భిన్నంగా చేసుకోవాలని ఎక్కువ జంటలు ఆరాటపడుతున్నాయి. ఈ క్రమంలోనే ఓ జంట ఎవరూ చేయలేని విధంగా తమ ప్రీ వెడ్డింగ్ షూట్ ఉండాలని భావించింది. ఇంతకీ వీరు ఏమి చేశారో..? ఫొటోలు గమనిస్తే అర్థం అవుతుంది. 

నాగుపాముతో ప్రీ వెడ్డింగ్ షూట్ నిర్వహించుకోవడం అన్నది ఇంత వరకు విని ఉండకపోవచ్చు. కానీ, ఓ జంట నాగు పాముతోనే ప్రీ వెడ్డింగ్ షూట్ చేసింది. ఈ షూట్ ద్వారా వారు ఇచ్చిన సందేశాన్ని గమనిస్తే.. యువతి తన ఇంట్లోకి వచ్చిన నాగుపామును చూసి, సాయం కోసం కాల్ చేస్తుంది. ఇద్దరు యవకులు స్కూటర్ పై ఆ యువతి ఇంటికి చేరుకుంటారు. ఆ ఇద్దరిలో ఓ యువకుడు నాగపామును బాక్స్ లో బంధించి స్కూటర్ పై తీసుకెళతాడు. వెళుతూ వెళుతూ వెనక్కి చూసి యువతికి కాల్ చేయాలని సైగ చేస్తాడు. ఆ యువతి కాల్ చేసి అతడితో మాట్లాడి, ప్రేమలో పడిపోతుంది. చివరికి వారిద్దరూ చేతిలో చేయి వేసుకుని ముందుకు సాగిపోతుంటే, నాగుపాము పడగ విప్పి వారినే చూస్తుంటుంది. ఇదే ప్రీ వెడ్డింగ్ షూట్ ముగింపు చిత్రం.