చీర కట్టులో అచ్చ తెలుగు అందం.. శోభిత ధూళిపాళ లేటెస్ట్ ఫొటోలు ఇవిగో!

మోడలింగ్ నుంచి సినిమా రంగంలో అడుగు పెట్టి సక్సెస్ సాధించిన తెలుగు హీరోయిన్ శోభిత ధూళిపాళ. తెలుగుతో పాటు హిందీ, తమిళ్‌, మలయాళంలోనూ ఆమెకు మంచి గుర్తింపు ఉంది. గూఢచారి, మేజర్‌, పొన్నియన్‌ సెల్వన్‌ సినిమాలతో మంచి విజయాలు సొంతం చేసుకుంది. సోషల్ మీడియాలో యాక్టివ్ గా ఉండే శోభిత తన ఫొటోలను అభిమానులతో పంచుకుంటుంది. ఎక్కువగా మోడ్రన్ డ్రెస్సుల్లో కనిపించే ఆమె తాజాగా చీరకట్టులో కనిపించింది. 

సిల్వర్ కలర్ శారీలో మెరిసిపోతూ ఫొటో షూట్ లో పాల్గొంది. వాటిని ట్విట్టర్ లో షేర్ చేసింది. మత్తెక్కించే చూపులతో ఉన్న ఆమె ఫొటోలు ఆకట్టుకుంటున్నాయి. సినిమాల విషయానికి వస్తే దిగ్గజ దర్శకుడు మణిరత్నం రూపొందించిన  పొన్నియన్ సెల్వన్ 2తో ఆమె ప్రేక్షకులు ముందుకు రాబోతోంది. ప్రస్తుతం శోభిత సహ నటీనటులతో కలిసి ఈ సినిమా ప్రమోషన్స్ లో బిజీగా ఉంది.