ఓటీటీలోకి వచ్చేస్తున్న 'పఠాన్'.. ఎప్పటి నుంచి ఎందులో అంటే..?

వరుస ఫ్లాపులతో అల్లాడుతున్న బాలీవుడ్ కు 'పఠాన్' చిత్రం ఊపిరిపోసింది. షారుఖ్ ఖాన్, దీపికా పదుకొణే జంటగా నటించిన ఈ చిత్రం బాక్సాఫీస్ ను షేక్ చేసింది. ఏకంగా రూ. వెయ్యి కోట్లకు పైగా వసూళ్లను రాబట్టింది. హిందీలో అత్యధిక వసూళ్లను రాబట్టిన చిత్రంగా... 'బాహుబలి 2' పేరు మీద ఉన్న రికార్డును బ్రేక్ చేసింది. 

ఇప్పుడు ఓటీటీలో స్ట్రీమింగ్ అయ్యేందుకు ఈ సినిమా రెడీ అయింది. రేపు (మార్చి 22) ప్రముఖ ఓటీటీ సంస్థ అమెజాన్ ప్రైమ్ లో ఈ సినిమా స్ట్రీమింగ్ ప్రారంభంకానుంది. హిందీ, తెలుగు, తమిళ భాషల్లో ప్రేక్షకులకు అందుబాటులోకి రానుంది. థియేటర్లో సంచలన విజయాన్ని నమోదు చేసిన 'పఠాన్'... ఓటీటీలో మరెన్ని రికార్డులను క్రియేట్ చేస్తుందో వేచి చూడాలి.