GPay: యూపీఐ చెల్లింపులపై పరిమితులు.. మీకు తెలుసా?
![UPI transaction limit This is how much you can spend using GPay PhonePe Paytm daily](https://imgb.ap7am.com/thumbnail/cr-20221207tn6390295ec117a.jpg)
- ఒక రోజులో యూపీఐ ద్వారా రూ.లక్ష వరకే పంపుకోవచ్చు
- ఒక రోజులో 20 లావాదేవీలకే పరిమితి
- ఈ పరిమితులు దాటితే మరుసటి రోజు వరకు వేచి చూడాల్సిందే
నేడు దాదాపు అన్ని చెల్లింపులకు యూనిఫైడ్ పేమెంట్స్ ఇంటర్ ఫేస్ (యూపీఐ) కీలకంగా మారింది. పేటీఎం, ఫోన్ పే, గూగుల్ పే ద్వారా చెల్లింపులు చేయడానికే అందరూ మొగ్గు చూపిస్తున్నారు. కనుక యూపీఐ పరంగా ఉన్న పరిమితులపై అవగాహన ఉండడం అవసరం.
గూగుల్ పే ఒక రోజులో ఎన్ పీసీఐ నిబంధనల మేరకు రూ.లక్ష వరకు పంపుకునేందుకు అనుమతినిస్తోంది. లావాదేవీల పరిమితి కూడా 20గానే ఉంది. ఫోన్ పే, అమెజాన్ పే సైతం ఇదే విధంగా నిబంధనలు అమలు చేస్తున్నాయి. పేటీఎం రోజులో గరిష్ఠంగా రూ.లక్ష పంపుకునేందుకు అనుమతినిస్తోంది. కాకపోతే ఒక గంటలో రూ.20వేల పరిమితిని అమలు చేస్తోంది. గంటలో 5 లావాదేవీల వరకు పేటీఎంలో చేసుకోవచ్చు.