రాజమౌళికి ప్రతిష్ఠాత్మక అవార్డు

టాలీవుడ్ దర్శక దిగ్గజం రాజమౌళిని ప్రతిష్ఠాత్మక అవార్డు వరించింది. హాలీవుడ్ లో ప్రతిష్ఠాత్మకంగా భావించే 'ది న్యూయార్క్ ఫిల్మ్ క్రిటిక్స్ సర్కిల్' అవార్డును రాజమౌళి సొంతం చేసుకున్నారు. 'ఆర్ఆర్ఆర్' చిత్రానికి గాను ఉత్తమ దర్శకుడిగా ఈ అవార్డును అందుకున్నారు. అమెరికాలో నిర్వహించిన అవార్డుల ప్రదానోత్సవంలో ఈ అవార్డును ఆయన అందుకున్నారు. ఈ నేపథ్యంలో రాజమౌళిపై ప్రశంసలు కురుస్తున్నాయి. 

1935 నుంచి ఈ అవార్డులను ఇస్తున్నారు. వార్తాపత్రికలు, మేగజీన్స్, ఆన్ లైన్ పబ్లికేషన్లకు చెందిన పలువురు ప్రముఖులు ఒక బృందంగా ఏర్పడి ఈ అవార్డులను అందజేస్తున్నారు. సినీ పరిశ్రమలో ఉత్తమ ప్రతిభను కనబరిచిన వారికి ఈ అవార్డులను ఇస్తున్నారు. 

ఇప్పటికే 'ఆర్ఆర్ఆర్' సినిమా ప్రపంచ వ్యాప్తంగా శాటర్న్, సన్ సెట్ సర్కిల్ వంటి పలు అంతర్జాతీయ అవార్డులను దక్కించుకుంది. 'ఆస్కార్' బరిలో కూడా నిలిచింది. దాదాపు 14 విభాగాల్లో ఈ సినిమా ఆస్కార్ వేదికగా పోటీ పడనుంది.