హీరో బైకుల ధరలు పెరిగాయి
- ధరల పెంపు ప్రకటన విడుదల చేసిన హీరో మోటో కార్ప్
- ఉత్పత్తి ఖర్చులు పెరగడంతోనే ధరలు పెంచుతున్నట్లు వెల్లడి
- ఒక్కో బైక్ ధర రూ.1,000 మేర పెరుగుతుందని ప్రకటన
- పెరిగిన ధరలు తక్షణమే అమల్లోకి వస్తాయని వెల్లడి
ద్విచక్ర వాహనాల తయారీలో దిగ్గజ సంస్థ హీరో మోటో కార్ప్ తన వాహనాల ధరలను పెంచింది. ఒక్కో వాహనంపై రూ.1,000 పెంచుతున్నట్లు ఆ సంస్థ ప్రకటించింది. ఈ మేరకు గురువారం హీరో మోటో కార్ప్ నుంచి ఓ ప్రకటన జారీ అయ్యింది. వాహనాల తయారీ ఖర్చులు పెరిగిన నేపథ్యంలో బైకుల ధరలు పెంచక తప్పడం లేదని ఆ సంస్థ తన ప్రకటనలో వెల్లడించింది. అంతేకాకుండా ఈ ధరల పెంపు తక్షణమే అమలులోకి వస్తుందని కూడా హీరో తెలిపింది. తాను విక్రయిస్తున్న మోటార్ సైకిళ్లతో పాటు స్కూటర్లకు కూడా ఈ ధరల పెరుగుదల వర్తిస్తుందని వెల్లడించింది.