3డీలో కేసీఆర్ సూక్ష్మ క‌ళాకృతి... ఆక‌ట్టుకుంటున్న ఫొటో ఇదిగో

తెలంగాణ సీఎం కేసీఆర్‌ను మ‌హారాష్ట్రలోని అహ్మ‌ద్ న‌గ‌ర్‌కు చెందిన సూక్ష్మ క‌ళాఖండాల రూప‌శిల్పి 3డీ రూపంలో అతి చిన్న శిల్పంలో ఆవిష్క‌రించారు. ఈ క‌ళాఖండాన్ని ఆ యువ శిల్పి శ‌నివారం సీఎం కేసీఆర్‌కు అంద‌జేశారు. స‌ద‌రు సూక్ష్మ శిల్పంలో కేసీఆర్‌ను ఆ క‌ళాకారుడు ఉద్య‌మ‌కారుడిగా తీర్చిదిద్దారు. 

ఓ గుండ్ర‌టి దిమ్మ‌పై నిల‌బ‌డ్డ కేసీఆర్ త‌న పిడికిలిని బిగించి ఉద్య‌మ స్ఫూర్తిని నింపుతున్న‌ట్లుగా ఆ శిల్పంలో క‌నిపిస్తున్నారు. ఈ సూక్ష్మ శిల్పాన్ని, దానిని రూపొందించిన క‌ళాకారుడి చిత్రాల‌ను టీఆర్ఎస్ సోష‌ల్ మీడియా క‌న్వీన‌ర్‌, తెలంగాణ స్టేట్ టెక్నాల‌జీ స‌ర్వీసెస్ చైర్మ‌న్ జ‌గ‌న్ పాటిమీది సోష‌ల్ మీడియా వేదిక‌గా పంచుకున్నారు.