ఆటోవాలా చొక్కా వేసి.. మహిళా డ్రైవ‌ర్‌తో ఆటోలో కూర్చున్న జ‌గ‌న్‌

విశాఖ ప‌ర్య‌ట‌న సంద‌ర్భంగా శుక్ర‌వారం ఏపీ సీఎం వైఎస్ జ‌గ‌న్ మోహ‌న్ రెడ్డి స‌రికొత్త లుక్కులో ద‌ర్శ‌న‌మిచ్చారు. వైఎస్సార్ వాహ‌న మిత్ర ప‌థ‌కం ల‌బ్ధిదారుల ఖాతాల్లో ఈ ఏడాది నిధుల‌ను విడుద‌ల చేసే కార్య‌క్ర‌మంలో పాలుపంచుకునే నిమిత్తం జ‌గ‌న్ శుక్ర‌వారం విశాఖ వెళ్లిన సంగ‌తి తెలిసిందే. విశాఖ‌లోని ఆంధ్రా విశ్వ‌విద్యాల‌యంలో ఏర్పాటు చేసిన వేదిక మీద నుంచి వాహ‌న మిత్ర నిధుల‌ను విడుద‌ల చేసిన జ‌గ‌న్‌... ఆటోవాలాల‌తో ముఖాముఖీ భేటీ అయ్యారు. 
వేదిక‌పై ఆటోవాలా చొక్కా‌తోనే ద‌ర్శ‌న‌మిచ్చిన జ‌గ‌న్‌.. ఆ షర్ట్ వేసుకునే ల‌బ్దిదారుల ఖాతాల్లోకి నిధుల‌ను జ‌మ చేస్తూ బ‌ట‌న్ నొక్కారు. ఆ త‌ర్వాత అదే డ్రెస్‌లో ఆయ‌న ఆటోవాలాల‌తో మాట్లాడారు. ఆ త‌ర్వాత మ‌హిళా డ్రైవ‌ర్‌తో అక్క‌డికి వ‌చ్చిన ఆటోలో అదే డ్రెస్‌తో జ‌గ‌న్ కూర్చున్నారు. ఆ మ‌హిళా డ్రైవ‌ర్‌తో ముచ్చ‌టించారు. త‌ద‌నంత‌రం అదే డ్రెస్‌తోనే జ‌గ‌న్ బ‌హిరంగ స‌భ‌లో మాట్లాడారు.