రంగురంగుల క్యాప్సికం... ఆస‌క్తిగా ప‌రిశీలించిన మంత్రి హ‌రీశ్ రావు

తెలంగాణ ఆర్థిక శాఖ మంత్రి త‌న్నీరు హ‌రీశ్ రావు గ‌డ‌చిన రెండు రోజులుగా సంగారెడ్డి జిల్లాలో ప‌ర్య‌టిస్తున్నారు. ఈ సంద‌ర్భంగా రెండో రోజైన మంగ‌ళ‌వారం ఆయ‌న సంగారెడ్డి ప‌రిధిలోని రేజింత‌ల్ గ్రామంలో ఏర్పాటు చేసిన అత్యాధునిక పాలీహౌస్ ను సందర్శించారు. స‌ద‌రు పాలీహౌస్‌లో రంగురంగుల క్యాప్సికంతో పాటు గెర్కీన్‌ను సాగు చేస్తున్నారు. 

ఈ సంద‌ర్భంగా రంగు రంగుల్లో ఉన్న క్యాప్సికంల‌ను చేతిలోకి తీసుకున్న హ‌రీశ్ రావు వాటిని ఆస‌క్తిగా పరిశీలించారు. ఆ త‌ర్వాత వాటి సాగు విధానం, దిగుబడి, మార్కెటింగ్, ఆదాయం వంటి వివరాలను నిర్వాహకులను అడిగి తెలుసుకున్నారు.