అనంతపురం జిల్లాలో ఘోర రోడ్డు ప్రమాదం.. లారీ ఢీకొని ముగ్గురి మృతి

అనంతపురం జిల్లాలో జరిగిన ఘోర రోడ్డు ప్రమాదంలో ముగ్గురు వ్యక్తులు మృతి చెందారు. మరో 15 మంది తీవ్రంగా గాయపడ్డారు. పెద్దవడుగూరు మండలం మిడుతూరు వద్ద ఈ దుర్ఘటన చోటుచేసుకుంది. బెంగళూరు నుంచి హైదరాబాద్ వెళ్తున్న బస్సు ఆగి వున్న లారీని ఢీకొట్టింది.

ఈ ఘటనలో లారీలో ఉన్న ఇద్దరు, బస్సులోని ఓ వ్యక్తి అక్కడికక్కడే మృతి చెందారు. సమాచారం అందుకున్న పోలీసులు వెంటనే ఘటనా స్థలానికి చేరుకుని క్షతగాత్రులను అనంతపురంలోని ఓ ప్రైవేటు ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నారు. మృతుల వివరాలు తెలియాల్సి ఉంది.