సీఎం జగన్ కార్యాలయానికి కొత్త కాంతులు... రిపబ్లిక్ డే స్పెషల్

మరో రెండ్రోజుల్లో భారత గణతంత్ర దినోత్సవం వస్తోంది. ఈ నేపథ్యంలో ఏపీ సీఎం క్యాంపు కార్యాలయాన్ని అందంగా ముస్తాబు చేశారు. తాడేపల్లిలోని ఈ కార్యాలయాన్ని రంగురంగుల విద్యుత్ దీపాలతో అలంకరించారు. స్పెషల్ లైటింగ్ తో క్యాంపు కార్యాలయం కొత్త కాంతులు వెదజల్లుతోంది. దీనికి సంబంధించిన ఫొటోలు సామాజిక మాధ్యమాల్లో సందడి చేస్తున్నాయి. రిపబ్లిక్ డే వేడుకల్లో సీఎం జగన్ కూడా పాల్గొననున్నారు.