హిమాల‌యాల‌కు వెళ్లిన హీరోయిన్ జ్యోతిక‌.. ఇన్‌స్టాగ్రామ్‌లో తొలి పోస్టుగా బ్యూటిఫుల్ ఫొటోలు

హీరోయిన్ జ్యోతిక ఇటీవ‌ల హిమాల‌య ప‌ర్వతా‌ల‌కు వెళ్లింది. అక్కడి ప్ర‌కృతి అందాల‌తో దిగిన ఫొటోల‌ను ఆమె త‌న ఇన్‌స్టాగ్రామ్ ఖాతాలో ఈ రోజు పోస్ట్ చేసింది. ఇన్‌స్టాలో ఆమె చేసిన తొలి పోస్ట్ ఇదే. స్వాతంత్య్ర దినోత్స‌వం సంద‌ర్భంగా ఆగ‌స్టు 15న అక్క‌డ‌కు వెళ్లాన‌ని ఆమె తెలిపింది. త‌న చేతిలో జాతీయ జెండాను ప‌ట్టుకుని కూడా ఆమె ఓ ఫొటో తీసుకుంది.
               
అలాగే, క‌శ్మీర్‌లోని స‌ర‌స్సుల మ‌ధ్య దిగిన ఫొటోల‌నూ ఆమె పోస్ట్ చేసింది. బికాత్ అడ్వెంచ‌ర్స్ టీమ్‌లోని స‌భ్యుల‌తో ఆమె ఈ యాత్ర చేప‌ట్టింది. త‌న లాక్‌డౌన్ డైరీలోంచి కొన్ని మంచి అంశాల‌ను పోస్టు చేస్తున్నాన‌ని చెప్పింది. జీవితం వాస్త‌విక‌మైంద‌న్న విష‌యం జీవితాన్ని అస‌లైన విధంగా జీవించ‌డం ప్రారంభించాకే తెలుస్తుంద‌ని ఆమె హిత‌వు ప‌లికింది. ఆమె దిగిన ఫొటోలు  వైర‌ల్ అవుతున్నాయి.