'ఆచార్య' అప్డేట్ కోసం వెయిట్ చేయవలసిందేనట!

చిరంజీవి కథానాయకుడిగా కొరటాల శివ దర్శకత్వంలో 'ఆచార్య' రూపొందుతోంది. కరోనా కారణంగా చాలా రోజులుగా ఆగిపోయిన షూటింగు ఇటీవలే మొదలైంది. ప్రస్తుతం ప్రధాన పాత్రల కాంబినేషన్లో కొన్ని ముఖ్యమైన సన్నివేశాలను చిత్రీకరిస్తున్నారు. ఈ షెడ్యూల్ తో ఈ సినిమా షూటింగు పార్టు పూర్తికానుంది.

అయితే చరణ్ .. పూజ హెగ్డే కాంబినేషన్లో చిత్రీకరించిన సాంగ్ లిరికల్ వీడియో రావొచ్చుననే టాక్ తాజాగా వినిపిస్తోంది. అయితే ఇందులో ఎంతమాత్రం నిజం లేదనేది సన్నిహిత వర్గాల మాట. చరణ్ - పూజ హెగ్డే పాట మాత్రమే కాదు, ప్రస్తుతం జరుగుతున్న షెడ్యూల్ పూర్తయ్యేవరకూ ఎలాంటి అప్ డేట్స్ వదలకూడదనే నిర్ణయానికి వచ్చినట్టుగా తెలుస్తోంది.

బహుశా చిరంజీవి పుట్టిన రోజు సందర్భాన్ని పురస్కరించుకుని ఆగస్టు 22న అప్ డేట్ ఉండొచ్చని అంటున్నారు. ఆ తరువాత నుంచి ఇక వరుసగా అప్ డేట్స్ వదిలే ఆలోచనలో ఉన్నారని చెబుతున్నారు. సందేశంతో పాటు వినోదం కలగలిసిన ఈ సినిమాకి, మణిశర్మ సంగీతాన్ని సమకూర్చారు.