సినిమా కబుర్లు.. సంక్షిప్త సమాచారం

*  ప్రముఖ కథానాయిక త్రిష త్వరలో ఓ దర్శకుడిని వివాహం చేసుకోనుందంటూ గత కొన్ని రోజులుగా మీడియాలో బాగా ప్రచారం జరుగుతోంది. ఈ నేపథ్యంలో త్రిష పీఆర్ బృందం స్పందించింది. ఆ వార్తలలో ఏమాత్రం వాస్తవం లేదనీ, ప్రస్తుతం త్రిష సినిమాలతో బిజీగా ఉందనీ పేర్కొన్నారు. ప్రస్తుతం మణిరత్నం దర్శకత్వంలో రూపొందుతున్న 'పొన్నియన్ సెల్వన్' సినిమా షూటింగు నిమిత్తం త్రిష పాండిచ్చేరిలో వుంది.
*  మలయాళంలో హిట్టయిన 'లూసిఫర్' చిత్రాన్ని తెలుగులో మెగాస్టార్ చిరంజీవి హీరోగా రీమేక్ చేస్తున్న సంగతి విదితమే. మోహన్ రాజా దర్శకత్వం వహిస్తున్న ఈ చిత్రం షూటింగ్ వచ్చే నెల 12 నుంచి జరుగుతుంది. ఇక ఈ చిత్రానికి 'గాడ్ ఫాదర్' అనే టైటిల్ని ఖరారు చేసే యోచనలో చిత్ర బృందం ఉన్నట్టు తెలుస్తోంది.
*  రానా దగ్గుబాటి తమ్ముడు అభిరామ్ త్వరలో హీరోగా పరిచయం కానున్నాడు. ప్రముఖ దర్శకుడు తేజ దర్శకత్వంలో రూపొందే ఓ లవ్ స్టోరీ ద్వారా అభిరామ్ హీరోగా కెరీర్ని మొదలుపెడుతున్నాడు. ఇక ఇందులో ప్రధాన విలన్ పాత్రకు ప్రముఖ తమిళ నటుడు సముద్రఖని ఎంపికైనట్టు సమాచారం.