'సలార్' కాంబినేషన్లో మరో సినిమా.. ప్రముఖ నిర్మాత ప్లానింగ్?

ఇటీవల 'రాధే శ్యామ్' చిత్రాన్ని పూర్తి చేసిన హీరో ప్రభాస్ ప్రస్తుతం రెండు సినిమాలలో నటిస్తున్నాడు. వీటిలో ఒకటి బాలీవుడ్ దర్శకుడు ఓమ్ రౌత్ దర్శకత్వంలో రూపొందుతున్న 'ఆదిపురుష్'. ఈ చిత్రం షూటింగ్ గత కొన్ని రోజులుగా ముంబైలో కొనసాగుతోంది. మరొక సినిమా 'సలార్'. కేజీఎఫ్ ఫేమ్ ప్రశాంత్ నీల్ దర్శకత్వంలో రూపొందుతున్న ఈ చిత్రానికి సంబంధించిన ఓ షెడ్యూల్ షూటింగ్ ఇటీవల జరిగింది.

ఇదిలావుంచితే, 'సలార్' చిత్రం ఇంకా నిర్మాణ దశలో ఉండగానే ప్రభాస్, ప్రశాంత్ నీల్ కలయికలో మరో చిత్రాన్ని నిర్మించడానికి అప్పుడే సన్నాహాలు జరుగుతున్నాయి. ప్రముఖ నిర్మాత దిల్ రాజు మళ్లీ ఈ కాంబోని సెట్ చేస్తున్నట్టు తెలుస్తోంది. ప్రభాస్ కూడా ఈ ప్రాజక్టుకి గ్రీన్ సిగ్నల్ ఇచ్చాడట. ప్రస్తుతం ఈ ప్రాజక్టు చర్చల దశలో వుందని అంటున్నారు.

అయితే, ఇప్పుడు ప్రభాస్ ఇప్పటికే కమిట్ అయిన తన ప్రాజక్టులతోను, ప్రశాంత్ తన ప్రాజక్టులతోను ఎవరికి వారు బిజీగా వున్నారు. ఇప్పుడు దిల్ రాజు ప్రాజక్టు పట్టాలెక్కాలంటే మరికొంత సమయం పడుతుందన్న మాట!