తల్లి కాబోతున్న సినీనటి హరితేజ

సినీ నటి, బిగ్ బాస్ ఫేమ్ హరితేజ త్వరలోనే తల్లి కాబోతోంది. ఈ విషయాన్ని ఆమె సోషల్ మీడియా ద్వారా ప్రకటించింది. ఒక వీడియోను పోస్ట్ చేసింది. ఈ వీడియో చూసిన అభిమానులు ఆమెకు శుభాకాంక్షలు చెపుతున్నారు. లాక్ డౌన్  నేపథ్యంలో కొన్ని నెలలుగా ఆమె షూటింగులకు దూరంగా ఉంది.

హరితేజ తొలుత సీరియల్స్ లో నటించింది. అనంతరం బుల్లితెరపై తన యాంకరింగ్ తో ఆకట్టుకుంది. ఆ తర్వాత సినిమాలలో వచ్చిన అవకాశాలను సద్వినియోగం చేసుకుని క్యారక్టర్ నటిగా అవకాశాలను అందిపుచ్చుకుంటోంది. బిగ్ బాస్ లో సైతం బుల్లితెర అభిమానులను అలరించింది. నాలుగేళ్ల క్రితం దీపక్ రావు అనే వ్యక్తిని ఆమె వివాహం చేసుకుంది.