మోర్గాన్ కెప్టెన్ ఇన్నింగ్స్... భారీ స్కోరు సాధించిన కోల్ కతా

తప్పక గెలవాల్సిన మ్యాచ్ లో రాజస్థాన్ రాయల్స్ పై కోల్ కతా నైట్ రైడర్స్ కెప్టెన్ ఇయాన్ మోర్గాన్ అదరగొట్టాడు. కేవలం 35 బంతుల్లోనే 68 పరుగులు సాధించాడు. మోర్గాన్ స్కోరులో 5 ఫోర్లు, 6 సిక్సులున్నాయి. మోర్గాన్ విజృంభణతో కోల్ కతా 20 ఓవర్లలో 7 వికెట్లకు 191 పరుగుల భారీ స్కోరు నమోదు చేసింది.

ఓపెనర్ శుభ్ మాన్ గిల్ 36, రాహుల్ త్రిపాఠి 39 పరుగులు చేశారు. ప్రమాదకర ఆల్ రౌండర్ ఆండ్రీ రస్సెల్ 11 బంతుల్లో 1 ఫోర్, 3 సిక్సులతో 25 పరుగులు సాధించాడు. నితీశ్ రాణా, సునీల్ నరైన్, దినేశ్ కార్తీక్ డకౌట్ అయ్యారు. రాజస్తాన్ రాయల్స్ బౌలర్లలో రాహుల్ తెవాటియా 3, కార్తిక్ త్యాగి 2, ఆర్చర్ 1, శ్రేయాస్ గోపాల్ 1 వికెట్ తీశారు.