నిబంధనలకు విరుద్ధంగా పోస్టర్... వర్మకు జరిమానా వడ్డించిన జీహెచ్ఎంసీ

విలక్షణ దర్శకుడు రామ్ గోపాల్ వర్మ ఇటీవలే పవర్ స్టార్ అనే సినిమాను రూపొందించి ఆన్ లైన్ లో విడుదల చేసిన సంగతి తెలిసిందే. అయితే ఈ సినిమా కోసం నిబంధనలకు విరుద్ధంగా హైదరాబాద్ నగరంలో పోస్టర్లు వేయించినట్టు ఫిర్యాదు రావడంతో, జీహెచ్ఎంసీ జరిమానా వేసింది.

లాక్ డౌన్ ప్రకటించిన తర్వాత మొట్టమొదటి పోస్టర్ తనదేనంటూ వర్మ చేసిన ట్వీట్ ను ఆధారంగా చేసుకుని ఓ వ్యక్తి జీహెచ్ఎంసీకి ఫిర్యాదు చేశారు. ఈ నేపథ్యంలో, జీహెచ్ఎంసీ వర్మ నిబంధనలు అతిక్రమించాడని గుర్తించి 4 వేల రూపాయలు జరిమానాగా విధించింది. ఈ మేరకు చలానా జారీ చేసింది.