రాచనాగుకే స్నానం చేయించాడు.. వీడియో ఇదిగో!

రాచనాగును చూస్తేనే భయంతో వణుకు పుడుతుంది. అలాంటిది ఒక వ్యక్తి ఏకంగా దానికి స్నానమే చేయించాడు. దీనికి సంబంధించిన వీడియోను ఐఎఫ్ఎస్ అధికారి సుశాంత నందా ట్విట్టర్ ద్వారా షేర్ చేశారు. కేరళలో చోటుచేసుకున్న ఈ ఘటనకు సంబంధించిన వీడియో వైరల్ అవుతోంది. పడగ విప్పిన రాచనాగు తలపై బకెట్ లోని నీటిని పోస్తుండగా... ఆ నాగు హాయిగా సేదతీరింది. కనీసం బుసలు కూడా కొట్టకుండా తల స్నానాన్ని ఎంజాయ్ చేసింది. 'సమ్మర్ టైమ్. తల స్నానాన్ని ఎవరు మాత్రం ఇష్టపడరు. అయితే ఎవరూ దీన్ని ప్రయత్నించవద్దు. చాలా ప్రమాదకరం' అని ఈ సందర్భంగా సుశాంత నందా ట్వీట్ చేశారు.