Chandrababu: గ్యాస్ లీక్ దుర్ఘటన కొందరు తల్లులకు గర్భశోకాన్ని మిగిల్చింది: చంద్రబాబు

అంతర్జాతీయ మాతృదినోత్సవం సందర్భంగా టీడీపీ అధినేత చంద్రబాబు నాయుడు మాతృమూర్తులకు శుభాకాంక్షలు తెలుపుతూ పలు వ్యాఖ్యలు చేశారు. 'ఈ రోజు అంతర్జాతీయ మాతృదినోత్సవం. కానీ, దురదృష్టవశాత్తు విశాఖ గ్యాస్ లీక్ దుర్ఘటన కొందరు తల్లులకు గర్భశోకాన్ని మిగిల్చింది. ఈ బాధ నుంచి వారు త్వరగా కోలుకునే ఆత్మస్థైర్యాన్ని భగవంతుడు వారికి ప్రసాదించాలని ఈ సందర్భంగా మనమందరం కోరుకుందాం' అని ఆయన తన ట్విట్టర్ ఖాతాలో పేర్కొన్నారు.