తన బాడీగార్డు పుట్టినరోజు వేడుక నిర్వహించిన అల్లు అర్జున్

టాలీవుడ్ అగ్రహీరో అల్లు అర్జున్ తన బాడీగార్డు పుట్టినరోజు వేడుక నిర్వహించడం సామాజిక మాధ్యమాల్లో విపరీతంగా ప్రచారం అవుతోంది. సుకుమార్ దర్శకత్వంలో అరణ్యం నేపథ్యంగా సాగే సినిమాలో అల్లు అర్జున్ ఓ లారీ డ్రైవర్ పాత్ర పోషిస్తున్నట్టు తెలుస్తోంది. బాగా గడ్డం పెంచి రఫ్ లుక్ తో ఉన్న బన్నీ తన బాడీగార్డు బర్త్ డే పార్టీలో ప్రధాన ఆకర్షణగా నిలిచాడు. అతడితో కేక్ కట్ చేయించడమే కాదు, ఓ సర్ ప్రైజ్ గిఫ్ట్ కూడా ఇచ్చినట్టు తెలుస్తోంది. కాగా, దీనికి సంబంధించిన ఫొటోల్లో బన్నీని చూసిన వారు, సుకుమార్ సినిమాలో లుక్ ఇదేనని కన్ఫామ్ చేస్తున్నారు.