సినిమా కబుర్లు.. సంక్షిప్త సమాచారం
- 'మోసగాళ్లు'లో కాజల్ అగర్వాల్
- వెంకటేశ్ 'నారప్ప'కి హైలైట్
- 60 కోట్లతో 'భక్తకన్నప్ప' నిర్మాణం
* మంచు విష్ణు, కాజల్ హీరో హీరోయిన్లుగా రూపొందుతున్న చిత్రం 'మోసగాళ్లు'. ఈ చిత్రం కోసం ఇటీవల లాస్ ఏంజిలిస్ లో కీలక సన్నివేశాలను చిత్రీకరించారు. జెఫ్రీ జీ చిన్ దర్శకత్వం వహిస్తున్న ఈ చిత్రం తదుపరి షూటింగ్ సోమవారం నుంచి హైదరాబాదులో జరుగుతుంది.
* ప్రముఖ నటుడు వెంకటేశ్ హీరోగా శ్రీకాంత్ అడ్డాల దర్శకత్వంలో రూపొందుతున్న 'నారప్ప' చిత్రం షూటింగ్ కొనసాగుతోంది. ఈ చిత్రం కోసం ఇటీవల ఇంటర్వెల్ ఫైట్ ను పీటర్ హెయిన్స్ నేతృత్వంలో పది రోజుల పాటు చిత్రీకరించారు. ఇది సినిమాకి హైలైట్ అంశాలలో ఒకటవుతుందని అంటున్నారు.
* మంచు విష్ణు హీరోగా 'భక్తకన్నప్ప' పౌరాణిక చిత్రాన్ని భారీ తారాగణంతో నిర్మించనున్నట్టు ప్రముఖ నిర్మాత, నటుడు మోహన్ బాబు ప్రకటించారు. ఇది 60 కోట్ల భారీ బడ్జెట్టుతో నిర్మించడం జరుగుతుందని ఆయన తెలిపారు.
