కర్ణాటకలో ఇంజినీరింగ్ విద్యార్థుల ‘పాకిస్థాన్ జిందాబాద్’ నినాదాలు.. అరెస్ట్

కర్ణాటకలోని హుబ్బళ్లిలో కొందరు ఇంజనీరింగ్ విద్యార్థులు పాకిస్థాన్ అనుకూల నినాదాలు చేయడం కలకలం రేపింది. స్థానిక కేఎల్ ఇంజనీరింగ్ కళాశాలలో కొందరు కశ్మీరీ విద్యార్థులు చదువుకుంటున్నారు. పుల్వామా దాడి జరిగి ఏడాది అయిన సందర్భంగా అమీర్, బాసిత్, తాలీబ్ అనే విద్యార్థులు ‘పాకిస్థాన్ జిందాబాద్’ అని నినదించిన వీడియో సోషల్ మీడియాలో వైరల్ అయింది.

ఇది చూసిన భజరంగ్‌దళ్ కార్యకర్తలు నిన్న కళాశాలకు చేరుకుని ఆందోళనకు దిగారు. పాక్ అనుకూల నినాదాలు చేసిన వీరిపై దేశద్రోహం కేసు నమోదు చేసి కఠిన చర్యలు తీసుకోవాలని డిమాండ్ చేశారు. ఈ ఘటనపై స్పందించిన కళాశాల యాజమాన్యం వీడియో ఆధారంగా పాక్ అనుకూల నినాదాలు చేసిన ముగ్గురినీ సస్పెండ్ చేసినట్టు తెలిపింది. అంతేకాదు, వారిపై పోలీసులకూ ఫిర్యాదు చేసింది. దీంతో అమీర్, బాసిత్, తాలీబ్‌లను అరెస్ట్ చేసినట్టు  హుబ్లీ-దార్వాడ పోలీసు కమిషనర్‌ తెలిపారు.