నేనే అల్లు అరవింద్ కొడుకుని అయ్యుంటే అంత కష్టపడేవాడ్ని కాదేమో!: శివాజీ ఆసక్తికర వ్యాఖ్యలు

హీరో శివాజీ చాన్నాళ్ల తర్వాత ఓ మీడియా సంస్థతో మాట్లాడారు. ఈ సందర్భంగా ఆయన ఆసక్తికర వ్యాఖ్యలు చేశారు. తనకు మెగాస్టార్ చిరంజీవి అంటే ఎంతో ఇష్టమని, ఇప్పటి హీరోల్లో అల్లు అర్జున్ ను ఎక్కువగా అభిమానిస్తానని తెలిపారు. దక్షిణాది ఫిలిం ఇండస్ట్రీలో రజనీకాంత్ తర్వాత ఆ స్థాయి అందుకోగలిగే హీరో తన దృష్టిలో బన్నీ ఒక్కడేనని అన్నారు.

'సరైనోడు' సినిమాలో అల్లు అర్జున్ చేసిన క్యారెక్టర్ తనకు ఇష్టమైనదని, ఆ సినిమాను ఎన్నిసార్లు చూశానో లెక్కేలేదని వెల్లడించారు. సినిమా కోసం బన్నీ పడే కష్టం చూస్తే ఆశ్చర్యం వేస్తుందని, తానే గనుక అల్లు అరవింద్ కొడుకును అయ్యుంటే అంతగా కష్టపడేవాడ్ని కాదేమోనని శివాజీ అభిప్రాయపడ్డారు.