బోయపాటిని పరామర్శించిన బాలకృష్ణ

టాలీవుడ్ అగ్ర దర్శకుల్లో ఒకరైన బోయపాటి శ్రీనును సినీ నటుడు, ఎమ్మెల్యే బాలకృష్ణ పరామర్శించారు. బోయపాటి తల్లి సీతారావమ్మ (80) శుక్రవారంనాడు కన్నుమూశారు. గత కొంత కాలంగా అనారోగ్యంతో బాధపడుతూ ఆమె తుది శ్వాస విడిచారు. ఈ నేపథ్యంలో, ఈ ఉదయం గుంటూరు జిల్లా పెదకాకానికి బాలయ్య వెళ్లారు. సీతారావమ్మ చిత్రపటానికి పూలమాల వేసి నివాళి అర్పించారు. బోయపాటిని పరామర్శించి, ఓదార్చారు. అసెంబ్లీ సమావేశాల నేపథ్యంలో బాలయ్య విజయవాడలో ఉన్న విషయం తెలిసిందే.