సినిమా కబుర్లు.. సంక్షిప్త సమాచారం 

 *  తెలుగులో వరుస విజయాలతో టాప్ స్టార్ గా రాణిస్తున్న పూజ హెగ్డేకు బాలీవుడ్ నుంచి భారీ ఆఫర్ వచ్చింది. అక్షయ్ కుమార్ హీరోగా నటిస్తున్న 'బచ్చన్ పాండే' చిత్రంలో హీరోయిన్ పాత్రకు ఆమెను సంప్రదిస్తున్నట్టు సమాచారం. ఇప్పటికే ఇందులో ఓ హీరోయిన్ గా కృతి సనాన్ ఎంపికైంది.

*  తన తాజా సినిమా 'సరిలేరు నీకెవ్వరు' విజయంతో మహేశ్ బాబు మంచి హ్యాపీ మూడ్ లో వున్నాడు. దీంతో కొన్నాళ్లు గ్యాప్ తీసుకుని ఫ్యామిలీతో కలసి వెకేషన్ కి వెళుతున్నాడు. ఈసారి అమెరికా వెళ్లడానికి ప్లాన్ చేసుకుంటున్నట్టు తెలుస్తోంది.

*  తమిళంలో హీరోగా నటిస్తూ బిజీగా వున్న విజయ్ సేతుపతి ఇటీవల తెలుగులో పలు చిత్రాలలో కీలక పాత్రలు పోషిస్తున్నాడు. ఈ క్రమంలో సుకుమార్ దర్శకత్వంలో అల్లు అర్జున్ హీరోగా నటించే చిత్రంలో ప్రధాన విలన్ పాత్రలో నటించడానికి ఓకే చెప్పాడు. ఇందుకు గాను 10 కోట్లు తీసుకుంటున్నట్టు తెలుస్తోంది.