ఇరాక్‌పై అమెరికా మరోమారు వైమానిక దాడి.. పశ్చిమాసియాలో ఆవరించిన యుద్ధ మేఘాలు!
- శనివారం తెల్లవారుజామున అమెరికా మరో దాడి
- సైన్యానికి చెందిన ఆరుగురి మృతి
- ఇరాక్ మిలీషియా కమాండర్ లక్ష్యంగా దాడి
ఇరాక్‌లోని బాగ్దాద్ విమానాశ్రయంపై శుక్రవారం రాకెట్ దాడులకు దిగిన అమెరికా వరుసగా రెండో రోజు కూడా వైమానిక దాడులకు పాల్పడింది. శనివారం తెల్లవారుజామున ఉత్తర బాగ్దాద్ నగరంపై రాకెట్లతో అమెరికా జరిపిన దాడిలో సైన్యానికి చెందిన ఆరుగురు ప్రాణాలు కోల్పోయారు. ఇరాక్ మిలీషియా కమాండర్ లక్ష్యంగా ఈ దాడి జరిగినట్టు తెలుస్తోంది. ఈ దాడులకు ఎవరూ బాధ్యత ప్రకటించనప్పటికీ అమెరికానే ఈ పనికి పాల్పడిందని ఇరాక్ మీడియా పేర్కొంది.
కాగా, శుక్రవారం ఉదయం జరిగిన రాకెట్ దాడిలో ఇరాన్ ఉన్నతస్థాయి కమాండర్ జనరల్ ఖాసిం సులేమాని మృతి చెందారు. ఈ దాడిని అమెరికా ధ్రువీకరించింది. అధ్యక్షుడు ట్రంప్ ఆదేశాల మేరకే ఈ దాడి జరిగినట్టు వైట్‌హౌస్ ప్రకటించింది. ఇరాక్‌లో ఉంటున్న అమెరికా పౌరులు వెంటనే వెనక్కి రావాలంటూ ఆ దేశ విదేశాంగ శాఖ పిలుపునిచ్చింది. మరోవైపు, సులేమాని మృతికి ప్రతీకారం తీర్చుకుంటామన్న ఇరాన్ హెచ్చరికల నేపథ్యంలో ఆ రెండు దేశాల మధ్య ఉద్రిక్త పరిస్థితులు నెలకొన్నాయి. ఈ దాడి తర్వాత పశ్చిమాసియాలో యుద్ధ మేఘాలు ఆవరించినట్టు విశ్లేషకులు చెబుతున్నారు.
కాగా, శుక్రవారం ఉదయం జరిగిన రాకెట్ దాడిలో ఇరాన్ ఉన్నతస్థాయి కమాండర్ జనరల్ ఖాసిం సులేమాని మృతి చెందారు. ఈ దాడిని అమెరికా ధ్రువీకరించింది. అధ్యక్షుడు ట్రంప్ ఆదేశాల మేరకే ఈ దాడి జరిగినట్టు వైట్‌హౌస్ ప్రకటించింది. ఇరాక్‌లో ఉంటున్న అమెరికా పౌరులు వెంటనే వెనక్కి రావాలంటూ ఆ దేశ విదేశాంగ శాఖ పిలుపునిచ్చింది. మరోవైపు, సులేమాని మృతికి ప్రతీకారం తీర్చుకుంటామన్న ఇరాన్ హెచ్చరికల నేపథ్యంలో ఆ రెండు దేశాల మధ్య ఉద్రిక్త పరిస్థితులు నెలకొన్నాయి. ఈ దాడి తర్వాత పశ్చిమాసియాలో యుద్ధ మేఘాలు ఆవరించినట్టు విశ్లేషకులు చెబుతున్నారు.
