ఈ నెల 31న అర్ధరాత్రి వరకు హైదరాబాద్ మెట్రో ప్రత్యేక సర్వీసులు.. మందుబాబులకు కూడా అనుమతి!
- 31వ తేదీ అర్ధరాత్రి ఒంటి వరకు ప్రత్యేక సర్వీసులు
- మద్యం సేవించిన వారు తోటి ప్రయాణికులను ఇబ్బంది పెట్టొద్దు
- ఓ ప్రకటనలో ‘మెట్రో’ ఎండీ ఎన్వీఎస్ రెడ్డి
కొత్త సంవత్సరం నేపథ్యంలో హైదరాబాద్ మెట్రో రైల్ ప్రత్యేక సర్వీసులు నడపనుంది. ఈ నెల 31వ తేదీ అర్ధరాత్రి ఒంటి గంట వరకు ప్రత్యేక సర్వీసులు అందుబాటులో ఉండనున్నాయి. ఈ మేరకు హైదరాబాద్ మెట్రో రైల్ ఎండీ ఎన్వీఎస్ రెడ్డి ఓ ప్రకటనలో పేర్కొన్నారు. మెట్రో ప్రత్యేక సర్వీసులు అన్ని స్టేషన్ల నుంచి అందుబాటులో ఉంటాయని అన్నారు. ఆరోజు రాత్రి మద్యం సేవించిన వారికి మెట్రో రైలు ఎక్కేందుకు అనుమతిస్తున్నట్టు తెలిపారు. అయితే, మద్యం సేవించిన వారు తోటి ప్రయాణికులను ఇబ్బంది పెట్టొద్దని సూచించారు.
