7వ స్థానంతో యూట్యూబ్ లో దూసుకుపోతున్న 'రౌడీబేబీ' సాంగ్

సోషల్ మీడియా రాకతో ఎంటర్టైన్మెంట్ రంగం రూపు రేఖలే మారిపోతున్నాయి. ఇందులో భాగమైన యూట్యూబ్ కొత్త కొత్త రికార్డులకు వేదికగా మారుతోంది. తాజాగా ప్రపంచ సంగీత ప్రియులను ఉర్రూతలూగించిన ధనుష్-సాయి పల్లవిల ‘మారి-2’ చిత్రంలోని ‘రౌడీ బేబీ’ పాట యూట్యూబ్ వ్యూస్ లో రికార్డుల మోత మోగిస్తోంది.

ఇప్పటి వరకూ 716 మిలియన్ వ్యూస్ ను అధిగమించి దూసుకుపోతూ యూట్యూబ్ రికార్డుల్లో 7వ స్థానాన్ని సొంతం చేసుకుంది. ధనుష్ స్వయంగా రాసి, పాడిన ఈ పాటకు స్వరకర్త యువన్ శంకర్ రాజా కాగా, అదిరి పోయే స్టెప్పులను ప్రముఖ కొరియో గ్రాఫర్, యాక్టర్, డైరెక్టర్ ప్రభుదేవా అందించారు. ‘రౌడీ బేబీ’ వీడియో సాంగ్ టాప్ 7లో నిలిచి రికార్డులను సృష్టించిన విషయాన్ని యూట్యూబ్ స్వయంగా ప్రకటించడం విశేషం.