ఏ పాలసీ అయినా దోచుకోవడమే వైసీపీ నేతల లక్ష్యం: చంద్రబాబునాయుడు

వైసీపీ ప్రభుత్వం ప్రవేశపెట్టిన పాలసీలపై టీడీపీ అధినేత చంద్రబాబునాయుడు విమర్శలు చేశారు.  ఇసుక పాలసీ అయినా, మద్యం పాలసీ అయినా.. ఏ పాలసీ అయినా సరే, దోచుకోవడమే వైసీపీ నేతల లక్ష్యమని, ఈ విషయాన్ని సామాన్యుడే ప్రశ్నిస్తున్నాడని, జవాబు చెప్పే ధైర్యం వారికి ఉందా? అని ఓ పోస్ట్ లో ప్రశ్నించారు.

 ఈ సందర్భంగా ఓ సామాన్యుడు మాట్లాడుతున్న వీడియోను జతపరిచారు. ఇవాళ పరిస్థితి చూస్తుంటే చాలా అస్తవ్యస్తంగా వుంది. అడ్మినిస్ట్రేషన్ తెలియని ఆయన ముఖ్యమంత్రి అయితే ఏ రకంగా వుంటుందో.. ఆ బాధలన్నీ ప్రజలు బహిరంగంగా అనుభవిస్తున్నారు..’ అంటూ సామాన్య వ్యక్తి విమర్శించారు. పొరుగు రాష్ట్రాలకు తరలిపోతున్న ఇసుక అక్రమ రవాణాను నిరోధించలేరా? పొరుగు రాష్ట్రాల నుంచి ఏపీలోకి అక్రమంగా తరలిస్తున్న నాన్ డ్యూటీ లిక్కర్ ను అడ్డుకోలేరా? అని ప్రభుత్వాన్ని చంద్రబాబు ప్రశ్నించారు.