బ్రిడ్జ్ పై నుంచి నదిలోకి దూకేసిన పులి!

దాదాపు 35 అడుగుల ఎత్తున్న బ్రిడ్జ్ పై నుంచి ఓ పులి న‌దిలోకి దూకిన ఘటన మ‌హారాష్ట్ర‌లోని చంద్రాపూర్ లో చోటు చేసుకుంది. సిర్నా న‌దిలో దూకిన ఆ పులి మృతిచెందిందని అటవీ శాఖ అధికారులు చెప్పారు. దాని వెన్నెముక‌కు బలమైన గాయం అయుండొచ్చని వివరించారు.

సుమారు 24 గంట‌ల పాటు సహాయక ఆప‌రేష‌న్ చేపట్టామని, అయినప్పటికీ దాన్ని రక్షించలేకపోయామని వివరించారు. ఈ పులి మృతదేహం కునాడా గ్రామం గుండా ప్రవహించే సిర్నా న‌ది మ‌ధ్య లభ్యమైందని తెలిపారు. సహాయక బృందం దాని మృత‌దేహాన్ని న‌ది నుంచి బయటకు తీశారు. దాని చావుకు సంబంధించిన కార‌ణాల‌ను గుర్తిస్తామని వివరించారు. ఇందుకు సంబంధించిన ఫొటో బయటకు వచ్చింది.