దసరా నేపథ్యంలో ఆనంద్ మహీంద్రా ట్వీట్... వైరల్!

తనకు తారసపడిన, నచ్చిన ఏ విషయాన్ని అయినా వెంటనే సామాజిక మాధ్యమాల్లో పోస్ట్ చేసే మహీంద్రా గ్రూప్ సంస్థల చైర్మన్ ఆనంద్ మహీంద్రా, మరో ట్వీట్ పెట్టగా, అదిప్పుడు వైరల్ అవుతోంది. దేశవ్యాప్తంగా దసరా సంబరాలు అంబరాన్ని అంటేలా సాగుతున్న వేళ, ఓ తండ్రి, కుమార్తెలు పోటీ పడి దాండియా ఆడుతున్న వీడియో ఇది.

ఇక ఈ వీడియోకు 'దాండియా డాడీ' పోటీలకు ఇదొక ఎంట్రీనా ఏమిటీ? అంటూ ఆనంద్ మహీంద్రా ప్రశ్నించారు. "ఇంతకీ వీళ్లిద్దరూ తండ్రీ కూతుళ్ళా? బాగుంది.. అతను బాగానే పోటీ ఇస్తున్నాడు. అయినా నిజం చెప్పాలంటే, ఈ 'దాండియా డాటర్' మాత్రం పోటీల్లో కచ్చితంగా గెలుస్తుంది" అంటూ కామెంట్ పెట్టారు.

ఇదే సమయంలో మరో ట్వీట్ లో నలుగురు చిన్నారులు దుర్గామాత అవతారంలో ఉన్న ఫొటోను ట్వీట్ చేశారు. ఇంతకన్నా అత్యుత్తమమైన మందిరాన్ని, విగ్రహాన్ని తానెక్కడా చూడలేదని వ్యాఖ్యానించారు.