ఇండియా వచ్చేస్తున్నా... లేటెస్ట్ లుక్ తో పోస్టు పెట్టిన రానా
- రానా ఆరోగ్యస్థితిపై ఊహాగానాలు
- మరో 72 గంటల్లో ఇండియాలో అడుగుపెడతానంటూ పోస్టు
- ఎలాగున్నారంటూ అభిమానులను పలకరించిన రానా
ఇటీవల దగ్గుబాటి రానా ఫొటోలు చూసినవాళ్లు ఎంతో ఆశ్చర్యానికి గురవుతున్నారు. బాహుబలిలో కండలరాయుడిగా కనిపించిన ఈ పొడగరి, ఇప్పుడు ఎంతో బలహీనంగా దర్శనమిస్తున్నాడు. అనారోగ్యం బారినపడ్డాడని, అమెరికాలో చికిత్స తీసుకుంటున్నాడని ఊహాగానాలు వినిపిస్తున్నాయి. నేపథ్యంలో తాజాగా, రానా ఫేస్ బుక్ లో ఓ పోస్టు పెట్టాడు. మూడ్రోజుల్లో ఇండియాకు వచ్చేస్తున్నానన్నది ఆ పోస్టు సారాంశం. ఆన్ లైన్ లోనూ మళ్లీ సందడి మొదలుపెట్టానని, మరో 72 గంటల్లో ఇండియాలో వాలిపోతానని తెలిపాడు. అంతేకాదు, ఏంచేస్తున్నారు? ఎలాగున్నారు? అంటూ తన అభిమానులను ఆప్యాయంగా పలకరించాడు.
