అధికారిక లాంఛనాలతో ‘కోడెల’ అంత్యక్రియలు.. ఏపీ సీఎం జగన్ ఆదేశం!

తెలుగుదేశం పార్టీ సీనియర్ నేత, ఏపీ అసెంబ్లీ మాజీ స్పీకర్ కోడెల శివప్రసాదరావు నిన్న హైదరాబాద్ లో ఆత్మహత్య చేసుకున్న సంగతి తెలిసిందే. దీంతో ఈ వ్యవహారంపై అనుమానాస్పద మృతిగా కేసు నమోదుచేసిన పోలీసులు విచారణ కోసం సిట్ ఏర్పాటు చేశారు. మృతదేహానికి పోస్ట్ మార్టం పూర్తిచేసిన అనంతరం కుటుంబ సభ్యులకు అప్పగించారు.

ఈ నేపథ్యంలో ఏపీ ముఖ్యమంత్రి జగన్ కీలక నిర్ణయం తీసుకున్నారు. కోడెల అంత్యక్రియలను అధికారిక లాంఛనాలతో నిర్వహించాలని సీఎస్ ఎల్వీ సుబ్రహ్మణ్యంను ఆదేశించారు. ఇందుకు సంబంధించి ఏర్పాట్లు చేయాలని స్పష్టం చేశారు. ఈరోజు నరసరావుపేటకు కోడెల భౌతికకాయాన్ని తరలించనున్నారు. రేపు అంత్యక్రియలు నిర్వహిస్తారు.