అన్యమత ప్రచారం గురించి సీఎం జగన్ కు తెలుసా?: బీజేపీ ఎమ్మెల్యే రాజాసింగ్

తిరుమలకు వెళ్లే ఆర్టీసీ టికెట్ వెనుక జెరూసలేంపై అన్యమత ప్రచారం చేయడంపై బీజేపీ నేతలు మండిపడుతున్నారు. దీనిపై తెలంగాణ బీజేపీ ఎమ్మెల్యే రాజాసింగ్ స్పందించారు. ఈరోజు ఆయన మీడియాతో మాట్లాడుతూ, టికెట్లపై అన్యమత ప్రచారం చేయడం సరికాదని, ఈ విషయం గురించి సీఎం జగన్ కు తెలుసా? అని ప్రశ్నించారు. తప్పు చేసిన వారిపై జగన్ చర్యలు తీసుకోవాలని, అన్యమత ప్రచార విధానాన్ని వెంటనే రద్దు చేయాలని డిమాండ్ చేశారు.

ఈ ఘటనపై ఏపీ బీజేపీ అధ్యక్షుడు కన్నా లక్ష్మీనారాయణ స్పందిస్తూ, ప్రభుత్వం ఇలాంటి చర్యలకు పాల్పడటం సరికాదని, దేశంలో అందరి మనోభావాలను గౌరవించాలని సూచించారు.