తెలంగాణలో రేపటి నుంచి భారీ వర్షాలు: వాతావరణ శాఖ

రానున్న 24 గంటల్లో తెలంగాణ వ్యాప్తంగా భారీ వర్షాలు కురిసే అవకాశం ఉందని హైదరాబాద్‌లోని వాతావరణ కేంద్రం తెలిపింది. ఉత్తర బంగాళాఖాతంలో ఏర్పడిన వాయుగుండం మంగళవారం వాయవ్య బంగాళాఖాతంలో ప్రవేశించినట్టు పేర్కొంది. వచ్చే 24 గంటల్లో ఇది మరింత బలపడి తీవ్ర వాయుగుండంగా మారే అవకాశం ఉందని వివరించింది. దీని ప్రభావంతో రేపటి నుంచి తెలంగాణ వ్యాప్తంగా ఓ మోస్తరు నుంచి భారీ వర్షాలు కురిసే అవకాశం ఉందని పేర్కొంది.