ఆర్టికల్ 370ని రద్దు చేయడం చెల్లదు.. ఇందుకు రాష్ట్ర అసెంబ్లీ అనుమతి కావాల్సిందే!: ప్రశాంత్ భూషణ్

జమ్మూకశ్మీర్ ను రెండు ముక్కలు చేయడంతో పాటు ఆర్టికల్ 370ని రద్దుచేస్తూ కేంద్రం తీసుకున్న నిర్ణయాన్ని ప్రముఖ సీనియర్ న్యాయవాది ప్రశాంత్ భూషణ్ తప్పుపట్టారు. ఢిల్లీలో ఈరోజు ఆయన మీడియాతో మాట్లాడుతూ.. జమ్మూకశ్మీర్ రాష్ట్రాన్ని విడగొట్టాలంటే తొలుత ఆ రాష్ట్ర అసెంబ్లీ అనుమతి తీసుకోవాల్సి ఉంటుందని తెలిపారు. అంతేకాకుండా ఆర్టికల్ 370లో సవరణల విషయంలోనూ అసెంబ్లీ అనుమతి తప్పనిసరి అని వ్యాఖ్యానించారు. కేవలం రాష్ట్రపతి గెజిట్ నోటిఫికేషన్ తో దీన్ని చేసేయలేమని స్పష్టం చేశారు. ఇది పూర్తిగా రాజ్యాంగ వ్యతిరేకమని తేల్చిచెప్పారు.