వారం రోజుల నుంచి నిద్రపట్టడం లేదు: విజయ్ దేవరకొండ

విజయ్ దేవరకొండ - భరత్ కమ్మ కాంబినేషన్లో 'డియర్ కామ్రేడ్' రూపొందింది. ఈ సినిమా నుంచి రీసెంట్ గా వదిలిన ట్రైలర్ కి అనూహ్యమైన రెస్పాన్స్ వస్తోంది. ఈ నేపథ్యంలో విజయ్ దేవరకొండ స్పందిస్తూ, "నాలుగు భాషల్లో ఈ సినిమాను ఈ నెల 26వ తేదీన విడుదల చేయనున్నాం. అందువలన తెలుగు రాష్ట్రాలతో పాటు ఇతర రాష్ట్రాల్లోను ప్రచార కార్యక్రమాలను నిర్వహించనున్నాము.

'డియర్ కామ్రేడ్' సినిమాకి విడుదల దగ్గర పడుతుండటంతో, ఆ టెన్షన్ తో వారం రోజులుగా నాకు నిద్రపట్టడం లేదు. మా తమ్ముడి సినిమా 'దొరసాని' రిలీజ్ రేపే. వాడు మాత్రం హాయిగా నిద్రపోయి ఈ రోజు కూడా 9 గంటలకి లేచాడు. గతంలో నేను కూడా నా సినిమా రిలీజ్ రోజున మధ్యాహ్నం 12 గంటలకి నిద్రలేచిన సందర్భాలు వున్నాయి. 'డియర్ కామ్రేడ్' మాత్రం ఏడాది పాటు మా చేతిలో వుండి బయటికి వెళుతుండటంతో టెన్షన్ అవుతోంది" అని చెప్పుకొచ్చాడు.