చిల్లర డబ్బుల కోసం రకుల్ ప్రీత్ సింగ్ జేబుల్లో చేతులు పెట్టిన బిచ్చగత్తెలు!

 ప్రముఖ నటి రకుల్ ప్రీత్ సింగ్ కు ముంబయిలో ఊహించని అనుభవం ఎదురైంది. కొందరు బిచ్చగత్తెలు రకుల్ ను చుట్టుముట్టి ఆమెను బాగా ఇబ్బందికి గురిచేశారు. ముంబయిలోని ఓ రెస్టారెంట్ నుంచి బయటికి వచ్చి తన కారు కోసం చూస్తున్న రకుల్ ప్రీత్ ను ఒక్కసారిగా కొందరు బెగ్గర్స్ చుట్టుముట్టారు. చిన్నారుల నుంచి టీనేజ్ అమ్మాయిల వరకు ఆ బిచ్చగత్తెల బృందంలో ఉన్నారు. పొట్టి దుస్తుల్లో ఉన్న రకుల్ ప్రీత్ ను డబ్బులు అడిగిన ఆ బిచ్చగత్తెలు, ఆపై ఆమె జేబుల్లో చేతులు పెట్టి మరీ డబ్బుల కోసం వెంపర్లాడారు. కారు డోర్ తీసి కూర్చోబోతున్న సమయంలోనూ ఆమెను వదల్లేదా బిచ్చగత్తెలు. చివరికి రకుల్ ఎలాగోలా కార్లో కూర్చుని హమ్మయ్య అని ఊపిరి పీల్చుకుంది.