చంద్రబాబుకు రాజకీయాల పట్ల పెద్దగా అవగాహన లేదు: జీవీఎల్

ఏపీలో టీడీపీ దారుణమైన ఫలితాలు ఎదుర్కొంటుందని ఎన్నికలకు ముందు తాను చెప్పినట్టుగానే జరిగిందని బీజేపీ ఎంపీ జీవీఎల్ నరసింహారావు అన్నారు. ఢిల్లీలో ఈరోజు మీడియాతో ఆయన మాట్లాడుతూ, చంద్రబాబుకు రాజకీయాల పట్ల పెద్దగా అవగాహన లేదన్న విషయం ఈ ఎన్నికల ద్వారా తెలిసిందని వ్యాఖ్యానించారు. ఏపీలో బీజేపీ ప్రత్యామ్నాయ శక్తిగా ఎదుగుతుందని అప్పుడు చెప్పామని, ఆ వ్యాఖ్యలపై టీడీపీ నేతలకు నమ్మకం కుదరలేదని అన్నారు. ప్రస్తుత పరిస్థితిపై ఆ పార్టీ నేతలు ఆలోచించుకోవాల్సిన సమయం వచ్చిందని చెప్పారు.