'విరాటపర్వం' కోసం రంగంలోకి రానా

వైవిధ్యభరితమైన కథలకు .. విలక్షణమైన పాత్రలకి ప్రాధాన్యతనిస్తూ రానా ముందుకు వెళుతున్నాడు. ఒక వైపున తమిళ .. హిందీ సినిమాలు చేస్తూనే మరో వైపున తెలుగులో ఒక సినిమా చేయడానికి రంగంలోకి దిగుతున్నాడు. తెలుగులో రానా చేయనున్న ఆ సినిమా పేరే 'విరాటపర్వం'.

1920 నేపథ్యంలో ఈ కథ సాగుతుందట. వేణు ఊడుగుల దర్శకత్వం వహించనున్న ఈ సినిమాలో కథానాయికగా సాయిపల్లవి నటించనుంది. జూలై నుంచి ఈ సినిమా రెగ్యులర్ షూటింగు మొదలుకానుంది. ఈ సినిమా తన కెరియర్లో ప్రత్యేకమైనదిగా నిలుస్తుందని రానా భావిస్తున్నాడు. ఇక సాయిపల్లవి కూడా ఈ సినిమా తనకి మంచి పేరు తీసుకొస్తుందనే నమ్మకంతో వుంది.