ఈ నెల 23 తర్వాత చంద్రబాబుపై తిరుగుబాటు జరగడం ఖాయం... ఇంకా చాలా వింతలు, విడ్డూరాలు జరుగుతాయి: విజయసాయిరెడ్డి

వైసీపీ ముఖ్యనేత, రాజ్యసభ సభ్యుడు విజయసాయిరెడ్డి మరోసారి ఏపీ సీఎం చంద్రబాబుపై ధ్వజమెత్తారు. ఎన్టీఆర్ స్థాపించిన తెలుగుదేశం పార్టీని స్వార్థ ప్రయోజనాల కోసం వాడుకుని ఇవాళ భ్రష్టుపట్టించారని ఆయన మండిపడ్డారు. టీడీపీని నాశనం చేసినందుకు చంద్రబాబుపై తిరుగుబాటు జరగడం ఖాయమని, ఈ నెల 23 తర్వాత ఆ పార్టీ ముక్కచెక్కలవుతుందని అన్నారు. ఈ పరిణామాన్ని ముందే ఊహించిన చంద్రబాబు పరువు కాపాడుకోవడం కోసం మహానాడును రద్దు చేసుకున్నారని ఎద్దేవా చేశారు. ఇలాంటి వింతలు, విడ్డూరాలు ఇకముందు చాలా చూస్తామని విజయసాయి తనదైన శైలిలో ట్వీట్ చేశారు.