సినిమా కబుర్లు.. సంక్షిప్త సమాచారం

*  గత కొన్నాళ్లుగా తెలుగులో వెనుకబడిపోయిన కథానాయిక అంజలి ప్రధాన పాత్ర పోషించిన అనువాద చిత్రం 'లిసా' ఈ నెల 24న తెలుగులో విడుదలవుతోంది. హారర్ కథాంశంతో రూపొందిన ఈ చిత్రాన్ని త్రీడీ ఫార్మాట్ లో నిర్మించడం విశేషం. ఈ చిత్రం తనకు తెలుగులో మళ్లీ ఆఫర్లు తెచ్చిపెడుతుందని అంజలి ఆశలు పెట్టుకుంది.
*  ఇటీవల విడుదలైన 'మహర్షి' చిత్రం బాక్సాఫీసు వద్ద విజయం సాధించడమే కాకుండా, మహేశ్ బాబుకి ఆర్టిస్టుగా కూడా మరింత పేరును తెచ్చింది. ఈ క్రమంలో చిత్రం గ్రాండ్ సక్సెస్ మీట్ ను రేపు (శనివారం) సాయంకాలం విజయవాడలోని సిద్ధార్థ ఇనిస్టిట్యూట్ ఆఫ్ హోటల్ మేనేజ్ మెంట్ ప్రాంగణంలో ఘనంగా నిర్వహిస్తున్నారు. మహేశ్, పూజా హెగ్డే, అల్లరి నరేశ్ తదితరులు హాజరవుతారు.
*  ప్రముఖ నటుడు మోహన్ బాబు భార్యగా బాలీవుడ్ నటి ఐశ్వర్య రాయ్ నటించనుంది. మణిరత్నం నిర్మించే 'పొన్నియన్ సెల్వన్' భారీ చిత్రంలో వీరిద్దరూ భార్యా భర్తలుగా నటిస్తారని సమాచారం.