సినిమా కబుర్లు.. సంక్షిప్త సమాచారం

*  ప్రస్తుతం నాగార్జున సరసన 'మన్మథుడు 2'లో నటిస్తున్న రకుల్ ప్రీత్ సింగ్ దీని తర్వాత నితిన్ తో ఓ చిత్రం చేయనుంది. చంద్రశేఖర్ యేలేటి దర్శకత్వంలో నితిన్ హీరోగా రూపొందే చిత్రంలో నటించడానికి రకుల్ ఓకే చెప్పింది.
*  విజయ్ దేవరకొండ నటించిన 'ద్వారక' చిత్రాన్ని తమిళంలోకి అనువదించారు. విశేషం ఏమిటంటే, విజయ్ కు ఎంతగానో పేరు తెచ్చిన 'అర్జున్ రెడ్డి' చిత్రం టైటిల్ని ఈ డబ్బింగ్ వెర్షన్ కి పెట్టారు. ఈ శుక్రవారం ఇది తమిళనాట విడుదలవుతోంది.
*  టాలీవుడ్ స్టార్ రామ్ చరణ్ తన బాలీవుడ్ మిత్రుడు సల్మాన్ ఖాన్ కి గాత్రాన్ని ఎరువిస్తున్నాడు. సల్మాన్ నటించిన 'భారత్' చిత్రం తెలుగు వెర్షన్ లో సల్మాన్ పాత్రకి చరణ్ డబ్బింగ్ చెబుతున్నాడు. ఇందులో కత్రినా కైఫ్ హీరోయిన్ గా నటించింది.
*  తాజాగా 'మజిలీ' చిత్రంతో భారీ విజయాన్ని సొంతం చేసుకున్న నాగ చైతన్య ప్రస్తుతం 'వెంకీమామ' చిత్రాన్ని చేస్తున్నాడు. దీని తర్వాత మేర్లపాక గాంధీ దర్శకత్వంలో రూపొందే ఫ్యామిలీ ఎంటర్ టైనర్ లో నటిస్తాడట.