'మా' అసోసియేషన్ లో గొడవలు.. ఉపాధ్యక్ష పదవికి ఎస్వీ కృష్ణారెడ్డి రాజీనామా
- 'మా'లో ముదురుతున్న గొడవలు
- సభ్యుల మధ్య కొరవడిన సఖ్యత
- నిధుల దుర్వినియోగమే కారణమని టాక్
మూవీ ఆర్టిస్ట్స్ అసోసియేషన్ (మా)లో గొడవలు తీవ్రతరమవుతున్నాయి. అసోసియేషన్ ఎన్నికలు జరిగి... సభ్యులు ప్రమాణస్వీకారం చేసిన రోజుల వ్యవధిలోనే గొడవలు మరింత ముదిరాయి. అసోసియేషన్ సభ్యుల మధ్య సఖ్యత లేకపోవడమే దీనికి ప్రధాన కారణం. ఈ నేపథ్యంలో, అసోసియేషన్ ఉపాధ్యక్ష పదవికి సీనియర్ దర్శకుడు ఎస్వీ కృష్ణారెడ్డి రాజీనామా చేశారు. రాజీనామాకు గల కారణాన్ని ఆయన వెల్లడించకపోయినా... అసోసియేషన్ లో నిధుల దుర్వినియోగమే రాజీనామాకు కారణమని ఫిలింనగర్ టాక్. మరోవైపు, అసోసియేషన్ లో వివాదాలు సినీవర్గాల్లో చర్చనీయాంశమయ్యాయి.
