సినిమా కబుర్లు.. సంక్షిప్త సమాచారం

*  బెల్లంకొండ శ్రీనివాస్, అనుపమ పరమేశ్వరన్ హీరో హీరోయిన్లుగా రూపొందుతున్న 'రాక్షసుడు' చిత్రం అరవై శాతం షూటింగును పూర్తిచేసుకుంది. రమేశ్ వర్మ దర్శకత్వం వహిస్తున్న ఈ చిత్రాన్ని ఈద్ పండుగకు విడుదల చేయడానికి ప్లాన్ చేస్తున్నారు.
*  గతంలో హిట్టయిన 'సోగ్గాడే చిన్ని నాయనా' చిత్రానికి నాగార్జున ఇప్పుడు సీక్వెల్ చేస్తున్న సంగతి తెలిసిందే. 'బంగార్రాజు' పేరుతో కల్యాణ్ కృష్ణ దర్శకత్వంలో రూపొందుతున్న ఈ చిత్రంలో నాగార్జున తనయుడు అఖిల్ ఓ గెస్ట్ రోల్ చేయనున్నాడట.
*  తాజాగా 'మజిలీ' చిత్రంతో మంచి హిట్ కొట్టిన దర్శకుడు శివ నిర్వాణ తన తదుపరి చిత్రాన్ని విజయ్ దేవరకొండ హీరోగా చేస్తున్నట్టు తాజా సమాచారం. ఇందుకు సంబంధించిన స్క్రిప్ట్ పని జరుగుతోందట.