ధనుశ్ సినిమా స్ఫూర్తితో నితిన్ మూవీ?

తెలుగులోని యువ కథానాయకులతో నితిన్ తన పోటీని కొనసాగిస్తున్నాడు. పరాజయాలు ఎదురవుతున్నా విజయాలను అందుకోవాలనే పట్టుదలతో ముందుకు వెళుతున్నాడు. ఇటీవల తన పుట్టినరోజు సందర్భంగా, దర్శకుడు కృష్ణ చైతన్యతో ఒక సినిమా చేయనున్నట్టు చెప్పాడు. ఈ సినిమాకి 'పవర్ పేట' అనే టైటిల్ ను ఖరారు చేసినట్టుగా వార్తలు వచ్చాయి.

తమిళంలో ధనుశ్ చేసిన 'వడ చెన్నై' స్పూర్తితో ఈ సినిమాను రూపొందిస్తున్నట్టుగా తెలుస్తోంది. చెన్నైలో రౌడీయిజానికి కేరాఫ్ అడ్రెస్ అయిన 'వడ చెన్నై' అనే ప్రాంతంలో ధనుశ్ సినిమా రూపొంది సక్సెస్ అయింది. అలాగే ఏలూరులోని 'పవర్ పేట' ప్రాంతం నేపథ్యంలో నితిన్ సినిమా ఉంటుందని చెబుతున్నారు. ఈ సినిమాను మూడు భాగాలుగా ప్రేక్షకుల ముందుకు తీసుకురావాలనే ఆలోచనలో వున్నారు. 'పవర్ పేట' తరువాత సీక్వెల్ గా మరో రెండు భాగాలు రూపొందుతాయన్న మాట. ఇలా సీక్వెల్స్ గురించి కూడా ముందుగానే చెప్పడం విశేషం.