కశ్మీర్లో సీఆర్పీఎఫ్ కాన్వాయ్ పక్కన పేలిపోయిన కారు

జమ్ముకశ్మీర్ లో మరో పేలుడు ఘటన సంభవించింది. రాంబన్ జిల్లా బనిహాల్ పట్టణంలో సీఆర్పీఎఫ్ కాన్వాయ్ పక్కన ఓ కారు పేలిపోయింది. అయితే, ఈ ఘటనలో ఎవరికీ ఎలాంటి ప్రమాదం సంభవించకపోవడంతో... అంతా ఊపిరి పీల్చుకున్నారు. ఉదయం 10.30 గంటల సమయంలో ఈ పేలుడు సంభవించింది.

అధికారులు వెల్లడించిన వివరాల ప్రకారం... హ్యుండాయ్ శాంత్రో కారు పేలుడుకు గురైంది. ఈ ఘటనలో కారు పూర్తిగా ధ్వంసమైంది. ఓ సీఆర్పీఎఫ్ వాహనానికి వెనుకవైపు డ్యామేజ్ అయింది. పేలుడు ఘటనపై దర్యాప్తు జరుపుతున్నారు. మరోవైపు, కారులో కొన్ని రసాయనాలు, పేలుడు పదార్థాలు, ఎల్పీజీ సిలిండర్లు ఉన్నట్టు సమాచారం. సీఆర్పీఎస్ కాన్వాయ్ లో 10 వాహనాలు ఉన్నాయి.